Sakay na sa storya sang bisikleta sa amon kabuhi mag asawa

Paano ko suguran ang  storya ko man kung ako mismo di ko  kabalo magbisikleta pero mahilig ako magsulat. Frustrated writter ako gani gusto ko magsulat pero hambal ni tita ko wala daw da kwarta . Damo ako HILIG! Hilig ko magtimpla sang home made tocino kag ibaligya,magsulat sa journal,magkaon tsokolate,magkape samtang ga obra paper works kag mga extreme sports. Opo babaye ako pero mahilig ako sa mga adventure nga sports. Kag may isa ka weird na bagay sa akon hindi ako kabalo magbisikleta pero bana ko super adik sa bisikleta  nya. Storya nya gani sa akon paano sya nakabalo magbisikleta sang una daw ga hulam lang sya bisikleta sa tupad balay nila kag sa kahon pa daw sya ga praktis. Kapila na sya kuno masimplang sa kahon hasta makausad sya sang isa ka metro kag kis-a daw mabudlay pa magkambyo. Kapila na sya magtumpilak sa duta pero taga tindog nya daw nahambal nya sa kaugalingon nya gusto ko makabalo kag magkabakal sang akon bisikleta. Kis-a daw di pa sya pahulamon sang bisikleta sang tupad balay kag gina lagas sya sang bakol ni Tatay Tony kag Nanay Paz kay ugto adlaw manyaga na sige man sya gyapon praktis bike. Sang gamay pa sya abi puro hampang lang kag crush lang nagalibot ang iya kalibutan. Pagdating sa skwelahan na manage nya man daw nga magtuon   kag mag intra sa mga curricular activities (saot). Damo man daw sya naging migo pero may mga naka away man sya kag nakatapungulan  kay kis-a alaskador man sya kuno kag sunluganun. kapila naman daw sya ma broken hearted. Amo na sang naka obra sya nagtipon gid sya bakal sang iya racing bike kag una nila ka travel ka bestfriend nya. Ay oo gali "bestfriend" twag nya sa iya racing bike. From Manila To Tagaytay,Tagaytay  to Batangas back and forth and pag rest day off nya Manila to Antipolo. Nagpa register man sya sa Tour of the fire flies kaso wala daw sya tugtan ka company nila mag absent.

Ako ya man nga-a wala ako natuto magbisikleta samtang may bike man kami gani sa balay duwa pa. Dumduman ko man taga hapon buhi halin sa school naga praktis man mag magulang ko nga lalaki tag isa gid sila ka bisikleta bakal ni papa kung buy-an na gani nila ang bike dali-dali ko na dayun puluton  kag masikad sikad man ako nahambalan ko sang isa ko ka utod buy-e na di ka kabalo karon mapilasan ka pa kami kigan ni papa pero hambal ko gani mahilig ako sa adventure kag extreme amo na sige ko man gyapon sa padayun ko nga pagsikad nga pagsikad naga kiwi-kiwi agi ko sa sementado nga dalan hasta nga natumpilak ako sa humps nagtabog ang bike una sa akon. Abaw una pa nilagas ka magulang ko ang bisikleta kaysa akon pabangunun nagdugo akon ulo kag ang ilong ko na suso sa semento, ang braso ko kag legs puro gasgas kag ang akon nga tiil na piang kag nakakas akon kuko pag puli sa balay kinigan kami ni papa hinanot pa ako sang iya nga balakol nga lambot kung tawgon namon kay goma sya sang gulong ka jeep kag ang isa nya nga balakol tigas kay tungkod gid nga kahoy. Sugod sadto wala na ako nagkapyot kapyot bisikleta amo na hasta subong may remembrance ako sang bisikleta may scar ako sa akon legs. he..he....he...

Subong nga dako na kami kag mag-asawa na handum namon nga ipagpadayun ang mga hilig namon mag-asawa. Kag nadumduman ko ang hambal na binitiwan  ni Ariel Ureta isa ka sikat nga  personalidad sa telebisyon sang panahon na ang Plipinas  ay sa pamamahala pa ka batas military. "SA IKAKAUNLAD NG BAYAN ,BISEKLETA ANG KAILANGAN." Pero ano ka tuod ini nga sisteng ini nga ang disiplina sang bisikleta ang sandata para sa kaunlaran sang aton bansa. Pano ni maging posible kung hindi tanan nga tawo isa na ko da di kabalo magsikad,magpadyak o magpedal.